Hartimi i Planit Social Rajonal për Qarkun Tiranë – Një Hap i Rëndësishëm për Mirëqenien Sociale  ( Dhjetor 2024 – Mars 2025 )

Në një përpjekje për të përmirësuar shërbimet sociale dhe për të adresuar nevojat e grupeve më të cenueshme, Qendra ASET në bashkëpunim me Qarkun Tiranë po harton Planin Social Rajonal, një dokument strategjik që do të shërbejë si udhërrëfyes për politikat dhe ndërhyrjet sociale në territorin e tij. Ky proces po zhvillohet në bashkëpunim me institucionet vendore, shërbimet sociale, organizatat e shoqërisë civile dhe komunitetin, me qëllimin për të krijuar një sistem më të integruar dhe të qëndrueshëm të shërbimeve sociale.

Në fazën e tij të parë, plani social po fokusohet në mbledhjen e të dhënave dhe analizimin e shërbimeve ekzistuesepër të identifikuar boshllëqet dhe sfidat kryesore. Kjo përfshin konsultime me aktorët kyç, si punonjësit socialë, ekspertët e politikave sociale dhe përfaqësuesit e komunitetit, të cilët ndajnë perspektivat dhe përvojat e tyre mbi funksionimin aktual të shërbimeve. Nëpërmjet këtij procesi, synohet të kuptohet më mirë cilat janë nevojat më të mëdha sociale dhe si mund të ofrohen shërbime më efektive dhe gjithëpërfshirëse.

Përmes këtij plani, Qarku Tiranë synon të krijojë strategji të mirëpërcaktuara për mbështetjen e grupeve vulnerabël, përmirësimin e infrastrukturës sociale dhe rritjen e aksesit në shërbime bazike për qytetarët. Ky dokument nuk është vetëm një planifikim mbi letër, por një angazhim konkret për të ndërtuar një sistem më të drejtë dhe më të qëndrueshëm të mbrojtjes sociale.

Ndërsa procesi i hartimit të Planit Social Rajonal vazhdon, kontributi dhe pjesëmarrja e komunitetit mbetet thelbësore. Çdokush që ka sugjerime apo dëshiron të kontribuojë në këtë proces, është i mirëpritur që të bëhet pjesë e kësaj nisme. Vetëm përmes një përpjekjeje të përbashkët mund të sigurojmë një shoqëri më të barabartë dhe një sistem social që u përgjigjet realisht nevojave të qytetarëve.